Атырауда бір апта ішінде жол қозғалысына қатысты 1500-ге жуық құқық бұзушылық анықталды, - деп хабарлайды Polisia.kz.
Қала аумағында патрульдік полиция қызметкерлері жол қауіпсіздігін қамтамасыз ету және құқық бұзушылықтардың алдын алу мақсатында 24-30 наурыз аралығында ауқымды рейдтік іс-шарасы өтті. Шара нәтижесінде 1441 әкімшілік құқық бұзушылық анықталып, жол қозғалысы ережесін бұзғандарға 1339 хаттама толтырылды. Сонымен қатар қоғамдық орындарда әкімшілік құқық бұзған 102 азамат жауапкершілікке тартылды. Оның ішінде: ұялы телефон пайдалану – 53 дерек; жолаушылардың қауіпсіздік белдігін тақпау – 228 дерек; қарсы бағытқа шығу – 6 дерек; жол бермеу – 22 дерек; мас күйінде көлік жүргізу – 9 дерек; жүргізуші куәлігінен айырылған азаматтардың қайтадан көлік басқаруы – 7 дерек; жеке тұлғалардың әкімшілік құқық бұзушылық жасауы – 110 дерек.
Сонымен қатар патрульдік полиция жылдамдықты шамадан тыс асырудың 173 дерегін анықтады. Жол қозғалысы ережелерін өрескел бұзған жүргізушілердің көліктері арнайы тұраққа қойылды.
Полицейлер жүргізушілерге жол қозғалысы ережелерін сақтау бойынша түсіндіру жұмыстарын жүргізіп, жол ережелерін қатаң сақтауға шақырады.
