Атырауда бірнеше пәтерге ұрлыққа түскен күдіктілер ұсталды, – деп хабарлайды Polisia.kz.
ҚР ІІМ-нің нұсқауына сәйкес ағымдағы жылғы 19-21 мамыр аралығында Атырау облысы аумағында пәтер ұрлығын жасауға қатысы бар адамдарды анықтау, ұстау және қылмыстық жауапкершілікке тарту мақсатында республикалық «Пәтер» жедел-профилактикалық іс-шарасы өткізілуде.
– «Қауіпсіз аула» жобасының шеңберінде көпқабатты үйлердің кіреберістеріне бейнебақылау камераларын орнату бойынша ПИК-пен жұмыстар ұйымдастырылуда. Облыс бойынша төрт «өткен жылдардағы» және үш бұрын жасалған пәтер ұрлықтары ашылып, пәтер ұрлықтары қылмыстарын жасағаны үшін сегіз адам, оның ішінде біреуі іздеудегі қылмыскер ұсталды, – деді Атырау облысы полиция департаментінің бастығы Қамза Үмбетқалиев.
