Атырауда полицейлер ерекше балаларға мерекелік көңіл-күй сыйлады, - деп хабарлайды Polisia.kz.
Жаңа жыл мерекесі қарсаңында Атырау облысы полиция департаментінің қызметкерлері қоғамдық тәртіпті сақтаумен бірге дәстүрге айналған қайырымдылық іс-шараларын да назардан тыс қалдырған жоқ. Осы орайда, тәртіп сақшылары Атырау қаласында орналасқан облыстық ақыл-ойы кем дамыған балаларға арналған интернаттағы ерекше балалардың мерекелік шарасына қатысып, оларға мерекелік сыйлықтар табыс етті.
— Бала қуанса — әлем қуанады. Бүлдіршіндердің күлкісінен асқан бақыт жоқ. Біздің мақсатымыз — балаларға қуаныш сыйлау. Олардың әрқайсысының қоғамда өз орнын тауып, тұлға болып қалыптасуларына шын жүректен тілектеспіз, — деді Жергілікті полиция қызметі басқармасының бастығы Ерлан Биғамбаев.
