Бүгінгі таңда қоғам алдында тұрған басты міндеттердің бірі – балалар мен жасөспірімдер арасындағы құқық бұзушылықтың алдын алу және кәмелетке толмағандар арасындағы қылмыстың өсуіне жол бермеу. Бұл мәселе қазіргі кезде өзекті тақырыптардың біріне айналып отыр, — деп хабарлайды Polisia.kz.
Осы мақсатта Атырау облысы полиция департаменті мен жастар ресурстық орталығының ұйымдастыруымен 200-ге жуық студенттің қатысуымен APEC PetroTechnic жоғары колледжінде “Заң мен тәртіп” тақырыбында кездесу өтті. Іс-шараның басты мақсаты – жасөспірімдер арасында құқық бұзушылықтың, соның ішінде есірткі қылмысы мен интернет-алаяқтықтың алдын алу.
Кездесуге Атырау облысы полиция департаменті есірткі қылмысына қарсы іс-қимыл басқармасының аға жедел уәкілі, поМарьяна Джангалиева және Киберқылмысқа қарсы іс-қимыл басқармасының жедел уәкілі, полиция капитаны Дәурен Мұханбеталиев қатысып, студенттерге елімізде тіркеліп жатқан есірткі қылмыстары мен интернет-алаяқтық түрлері туралы жан-жақты ақпарат берді. Олар психотропты заттардың адам денсаулығына тигізер зияны мен оны тасымалдаудағы заң алдындағы жауапкершілік туралы, сондай-ақ онлайн алаяқтардың алдау тәсілдері мен оларға алданып қалмау жолдарын түсіндірді.
Полиция қызметкерлері жастарды өз құқықтары мен міндеттерін білуге, кез келген күмәнді жағдайлар туралы дер кезінде құқық қорғау органдарына хабарлауға шақырды.
