Атырауда жанармай бекетінде тұрған көлікті ұрлап кеткен үшеу ұсталды, – деп хабарлайды Polisia.kz.
21 қараша күні сағат 08:00 шамасында 43 жастағы азамат белгісіз үш жігіттің Құрманғазы көшесіндегі жанармай бекетінен ВАЗ-21015 автокөлігін ұрлап кеткендігі жөнінде хабарлама берген. Шұғыл әрекет еткен бейнебақылау инспекторы «Сергек» камераларының көмегімен ұрланған көліктің бағыты мен тұрған жерін анықтады.
Сондай-ақ, үш күдікті жігіт көліктен түсіп, белгісіз бағытқа кетіп қалған.
Бейнебақылау операторы дереу Батыс-32 экипажына бағыттама берді. Нәтижесінде 26, 29 және 31 жастағы осы қылмысқа күдікті үш жігіт ұсталып, Атырау қалалық Полиция басқармасына жеткізілді.
Оларға қатысты ҚР Қылмыстық кодексінің 200-бабы 1-бөлігімен сотқа дейінгі тергеу жүргізілуде.
