Атыраулық полицейлер бірнеше мәрте мал ұрлаған қылмыстық топты ұстады, – деп хабарлайды Polisia.kz.
Құрманғазы ауданы Полиция бөлімінің кезекші бөліміне бір күн ішінде жергілікті екі тұрғын арызданған. Мамыр айының 22-нен 23 не қараған түні белгісіз адамдардың мал ұстауға арналған аулаға кіріп, бір үйдің ауласынан бір бас мал қойын және сол тектес жолмен жүре келе екінші үйдің ауласында тұрған екі бас қой малын да ұрлағаны белгілі болды.
Полиция қызметкерлері дереу жедел-іздестіру шараларын жүргізу барысында 35, 37 және 38 жастағы үш күдіктіні анықтап, ұстады.
Қазіргі уақытта аталған факті бойынша ҚР ҚК-нің 188-1 бабы 3 бөлігі (Мал ұрлығы) бойынша тіркеліп, сотқа дейінгі тергеу амалдары жүргізілуде. Тергеу күдіктілердің осыған ұқсас басқа да қылмыстарға қатыстылығын анықтауда.
