Таразда «созылмалы алкоголизм» диагнозымен наркологиялық есепте тұрған ер адам аурухананың екінші қабатынан секіріп кетті, – деп хабарлайды Polisia.kz.
22 сәуір күні Тараз қаласы Полиция басқармасының Жедел басқару орталығына провизорлық стационардың әкімшілік ғимаратының екінші қабатынан емделушінің құлап, есін жимастан қаза болғаны туралы хабарлама келіп түсті. Одан алынған COVID-19-ға талдау теріс нәтиже берген.
Стационардан қашып кетуге тырысып, 42 жастағы тұрғын өзін агрессивті ұстаған, ер адам екінші қабаттың терезесінен шығып, асфальтқа құлап кеткен.
Дерек бойынша ҚР ҚК 105-бабы бойынша сотқа дейінгі тергеу амалдары басталды.
