Балқашта тұрғынның үйіне ұрлыққа түскен 27 жастағы ер адам ұсталды, – деп хабарлайды Polisia.kz.
3 ақпанда Қарағанды облысы Балқаш қаласының полиция бөліміне 45 жастағы қала тұрғыны арызданған. Жәбірленуші әйелдің айтуынша, бірнеше күннен бері қонақта болып үй қараусыз қалған. Белгісіз біреу оның жоқтығын пайдаланып, үйге кіріп, тоңазытқыш, кір жуғыш машина, газ плитасы, газ баллонын ұрлап кеткен. Келтірілген шығын көлемі 167 мың теңгені құрады. ҚР Қылмыстық кодексінің 188-бабы (Ұрлық) бойынша қылмыстық іс қозғалды.
10 ақпанда жедел-іздестіру іс-шаралары барысында Криминалдық полиция қызметкерлері күдікті 27 жастағы ер адамды ұстады. Ұсталған адам қылмысын мойындады. Заттай айғақ алынды. Қазіргі уақытта тергеу амалдары жүргізілуде.
