Балқашта ұзындығы үш шақырымнан асатын кабельді ұрлап кеткен ұры ұсталды, – деп хабарлайды Polisia.kz.
12 мамырда Қарағанды облысы Балқаш қаласының полиция бөліміне құрылыс жұмыстарымен айналысатын ЖШС-тен хабарлама келіп түсті. Белгісіз біреу бірден екі үйден жалпы ұзындығы үш шақырымнан асатын кабельді ұрлап кеткен. Келтірілген шығын мөлшері 135 мың теңгені құрайды. ҚР ҚК-нің 188-бабы (Ұрлық) бойынша қылмыстық іс қозғалды.
Полиция қызметкерлері ұрының үйдің шатырына кіріп, сол жерде кабельді кесіп алғанын анықтады.
6 маусымда жедел-іздестіру іс-шараларын жүргізу барысында криминалдық полиция қызметкерлері күдікті – 39 жастағы ер адамды анықтап, ұстады. Кабельді ұрлап, металл сынықтарын жинау орнына тапсырғаны белгілі болды. Қазіргі уақытта тергеу амалдары жүргізіліп жатыр.
