Семейде полицей өрт шыққан үйден тұрғындарды эвакуациялады, – деп хабарлайды Polisia.kz.
15 мамыр күні таңғы сағат 08:00 шамасында әлеуметтік желілерде Гагарин көшесіндегі өрт туралы хабарламалар кеңінен тарады. Пайдаланушылар белгісіз ақ кепка мен ақ жейде киген ер адамды “қаһарман” деп атап, оны іздеді. Бұл азамат – полиция аға Ертай Канафин болып шықты. Таңғы сағат 05.00 шамасында жұмысқа бара жатып, Канафин көпқабатты үйдің 3-қабатындағы балконнан түтін шығып жатқанын байқап, бірден "102" арнасына хабарлап, құтқару жұмыстарына кірісті.
ЖҚАЖ арнайы бөлімшесінің қызметкері ретінде ол ептілікпен үйдің ернеуіне шығып, балкон арқылы ішке енеді. Өрт лаулай түскен сәтте Ертай терезелерді қағып, тұрғындарды оятуға кірісті. Ең алғаш оған 81 жастағы зейнеткер әйел есік ашты — ол кісіні Канафин қауіпсіз жерге шығарып, кейін қалған пәтерлердің есіктерін қағып, бүкіл үйге дабыл қақты. Полицейдің батылдығы мен жедел әрекетінің арқасында тұрғындар дер кезінде эвакуацияланды.
Кейін келген құтқарушылар мен патрульдік полиция қызметкерлері эвакуация жұмыстарын толық аяқтап, қайғылы жағдайдың алдын алды.
