Маңғыстау облысы полиция департаменті бастығының бұйрығымен Бейнеу ауданы полиция бөлімінің бастығы тағайындалды, – деп хабарлайды Polisia.kz.
Оразов Нұрсейт Неруұлы 1985 жылы 6 ақпанда Маңғыстау облысы Маңғыстау ауданы Қызан ауылында дүниеге келген. 2003 жылдың қыркүйегінде ҚР ІІМ курсанты атанды.
Ішкі істер органдарында 2003 жылдың қыркүйегінен бастап жұмыс істейді. Нұрсейт Оразов өз қызметін Маңғыстау облысында Ақтау қаласы ІІБ жедел уәкілі қызметінен бастады. Әр жылдары ол әртүрлі қызметтерде, соның ішінде жол патрульдік полицияда және жергілікті полиция қызметінде басшылық қызметтер атқарды.
Бейнеу ауданының жаңа басшысы Ақтау және Жаңаөзен қалалық полиция басқармасы бастығының бірінші орынбасары лауазымдарында қызмет еткен. Осы жылдың сәуір айынан бастап Жаңаөзен қаласы ПБ бастығының бірінші орынбасары лауазымына тағайындалды және осы лауазымды қазіргі уақытқа дейін атқарды.
