Ақтөбе облысында бір апта ішінде Армения Республикасынан әкелінген 82 көлік құралы есепке алынды, – деп хабарлайды Polisia.kz.
Биыл 1 маусымнан бастап Үкімет қаулысына сәйкес елде ҚР азаматтарының атына Қазақстан Республикасы аумағына Армениядан 2020 жылғы 1 ақпанға дейін кіргізілген, басқару
құрылғысы сол жақта орналасқан көлік құралдарын тіркеу басталды. Бұл ретте тұрғындар ҚР Салық кодексінің 615, 553-баптарында белгіленген тәртіппен мемлекеттік тіркеу және мемлекеттік баж салығы үшін төлем жасауы қажет.
ҚР Үкіметінің № 306 қаулысына сәйкес Армения Республикасынан әкелінген көлік құралдарын тіркеу есебіне қою кезінде мынадай құжаттар қажет:
* Жеке басын куәландыратын құжат;
* Алым мен баждарды төлеу туралы құжаттар;
– мемлекеттік тіркеу үшін – 695 теңге.
– көлік құралын (КҚ) тіркеу куәлігін беру үшін 3473 теңге.
– мемлекеттік нөмір бергені үшін (МТНБ) – 7779 теңге.
* Армения Республикасында берілген көлікті тіркеу туралы куәлік;
* Армения Республикасының мемлекеттік тіркеу нөмірлік белгісі;
* Нотариус куәландырған көлік құралын тіркеу куәлігін (техникалық паспортты) мемлекеттік немесе орыс тіліне міндетті түрде аудару;
* Қазақстан Республикасының аумағына 1 ақпанға дейін әкелінген сол жақты рульдік басқарылатын көлік құралдары тіркеуге алынады.
– Армениядан әкелінген көлік құралдарын тіркеу ережелерін түсіндіру үшін Полиция департаментінде Call-орталығы жұмыс істейді, тұрғындар 525-100 телефоны бойынша қоңырау шалып, көлікті тіркеу бойынша кеңес алуына болады. Сонымен қатар, азаматтардың ыңғайлылығы үшін арнайыХҚКО-да натариус пен аудармашының жұмысы ұйымдастырылды. Тіркеу басталғалы бері 300-ге жуық тұрғын кеңес алды. Бір апта ішінде Армения Республикасынан әкелінген 82 көлік құралы есепке алынды, – деді Ақтөбе облысы ПД бастығы Атығай Арыстанов.
Армениядан Ақтөбе облысына үш мыңнан астам көлік, ал аудан орталықтарына 500-ден астам көлік әкелінген. Қазіргі таңда учаскелік полиция инспекторлары әр көлік иесімен көлікті тіркеу бойынша жеке түсіндіру жұмыстарын жүргізіп жатыр. Осыған байланысты, Армениядан әкелінген көлік иелерінен автокөліктерін уақытылы тіркеуді сұраймыз.
