Биыл Абай облысында балалардың қатысуымен 200-ден астам жол-көлік оқиғасы болды, – деп хабарлайды Polisia.kz.
Абай облысы полиция департаменті жол қозғалысы қауіпсіздігін қамтамасыз ету мақсатында балалар арасында жүйелі жұмыс жүргізуде. Кәмелетке толмағандар арасында құқықтық ағарту, профилактика және жол қозғалысы қауіпсіздігін насихаттау іс-шаралары өткізілуде. Алайда қабылданған шараларға қарамастан, балалардың қатысуымен болатын жол-көлік оқиғаларының (ЖКО) санының өсуі және жолдардағы балалар өлімінің артуы байқалады.
Осы жылдың басынан бері облыс аумағында 786 жол-көлік оқиғасы тіркелді, оның 231-і балалардың қатысуымен болған. Апаттар салдарынан 3 бала қаза тапты, ал 287 кәмелетке толмаған әртүрлі жарақаттар алды.
Мұндай оқиғалардың негізгі себептерінің бірі – ересектердің балалардың жолдағы мінез-құлқына жеткілікті назар аудармауы, сондай-ақ жол қозғалысы ережелерін сақтамауы.
Полиция департаменті барлық жол қозғалысына қатысушыларды жол қозғалысы ережелерін қатаң сақтауға, мектептердің, балабақшалардың маңында, реттелмейтін жаяу жүргіншілер өткелдерінде, қоғамдық көлік аялдамаларында және тұрғын үй аулаларында ерекше сақтық танытуға шақырады.
Балалардың жолдағы қауіпсіз мінез-құлық дағдыларын меңгеруі үшін полиция қызметкерлері ата-аналарға үнемі профилактикалық әңгімелер өткізіп, жол қозғалысы ережелерін сақтаудың маңыздылығын түсіндіруді ұсынады.
Есіңізде болсын, зейін мен сақтық – жарақаттанудың алдын алып, экстремалды жағдайларда да, күнделікті өмірде де балаларымыздың өмірі мен денсаулығын сақтап қалатын қауіпсіздіктің кепілі.
