Биыл Маңғыстау облысы департаментінің Криминалдық полиция басқармасының қызметкерлері 107 қылмыскерді анықтап, ұстады, – деп хабарлайды Polisia.kz.
Криминалдық полиция жұмысы әр уақытта ең күрделі болып саналып келеді. Әр адам өмірдің қараңғы жағымен жұмыс істеуге бара бермейді, өйткені қылмыстық іздестіру қызметкерлерінің кестесі тұрақты емес, көбінесе түнде жұмыс істеуге тура келеді, өйткені қылмыстар негізінен қараңғы уақытта жасалады, сондықтан рухы әлсіз адамдар бұл жерде болмайды. Мұнда олар болаттай шыңдалады.
Іздестіру бөлімі – криминалдық полиция қызметінің бағыттарының бірі. Қандай да бір себептермен жоғалып кеткен баланы немесе ересек адамды табу үшін тәжірибе мен шеберлік қажет. Құқық қорғау органдарынан жасырынып емес, қала аумағында жоғалып кететіндер туралы айтатын болсақ, онда олардың көпшілігі балалар, жасөспірімдер және қарт адамдар. Мұнда да өз санаттары бар.
– Мезгіл-мезгілімен жоғалып кететіндер ол – тәртібі қиын жасөспірімдер. Біз достарынан, таныстарынан сұрастырып жүріп, оларды әдетте біреудің үйінен тауып аламыз. Жағдайлар әртүрлі болуы мүмкін. Сонымен, іздестіру бөліміне 10 адам өз туыстарының жоғалып кетуі туралы өтініш білдірді. Оның тоғызы ізін суытпай табылды. Біріншіден, полицияға қоңырау шалып, қажетті ақпаратты дайындау керек: жоғалған адамның фотосуреті, ерекше белгілері, киген киімі, ұялы телефон нөмірі, достарының, туыстарының байланыстары, созылмалы аурулар бар-жоғы – жоғалған адамды тез табуға көмектесетін барлық нәрсе.
“Әлеуметтік желілер де іздеуде көмектеседі, қазір волонтерлік топтар көп, біз олармен үнемі байланыстамыз, егер жоғалған адамдардың туыстары, әрине, ақпаратты жариялауға рұқсат берсе. Жағдайлар әртүрлі. Еріктілер полиция қызметкерлерімен бірге қаланы тиімді түрде аралап жүреді. Бақытымызға орай, жоғалған адамдарды іздеу жиі сәтті аяқталады деп айта аламын, – деді Жанарбек Бақтыбаев.
