Атты полиция – ІІМ-нің ең ерекше бөлімшесі. Атты полиция қандай міндеттерді атқарады? Кавалерияда қызмет ететін полиция қызметкері қандай қасиеттерге ие болуы керек? Осы және өзге де сұрақтарға полиция капитаны Бердібек Даяндах Polisia.kz сайтына берген сұхбатында баяндады.
Павлодар атты полициясының тарихы 2018 жылдың мамыр айынан басталады. Қазір бөлімшеде 19 полицей және 16 жылқы қызмет етеді. Кавалерияның міндеттері – бұқаралық іс-шараларды өткізу кезінде қоғамдық тәртіпті қамтамасыз ету және орман-саябақ аймағын, бау-бақша шаруашылығын патрульдеу.
– Біз жылқылармен жұмыс істеу дағдылары бар қызметкерлерді жұмысқа қабылдауға тырысамыз, ат спортындағы жетістіктерге көңіл аударамыз. Ең бастысы – жылқылармен жұмыс істеуге қызығушылық таныту. Жас шегі 35 жасқа дейін. Жазда күндізгі жарық ұзағырақ болады және адамдар өз учаскелеріне таңертең ерте немесе түстен кейін шығады, сәйкесінше нарядтар да сол уақытқа қарай реттеледі, – деді командир.
Қызметкерлер белгілі бір маршруттарда қызмет атқарады, олар полиция басшылығымен бірлесіп аймақтағы қылмыстық жағдайға байланысты әзірленеді. Минималды наряд екі адамнан тұруы мүмкін.
Нарядқа арналған нұсқаулық қызмет алдында үнемі өткізіліп тұрады. Егер наряд жай ғана патрульдік қызметке кірсе, нұсқаулық бір болады. Егер бір жерде оқыс оқиға болса, біреу іздеуде жүрсе, онда нақты міндеттер қойылады.
Егер бұл бұқаралық іс-шарада қоғамдық тәртіпті қамтамасыз ету жөніндегі наряд болса, міндет басқаша қойылады: бұқаралық іс-шараны өткізу кезінде заң бұзушылықтардың алдын алу. Сондай-ақ наряд маршруттар бойынша реттеледі. Наряд бір жерде емес, объектіге іргелес бүкіл аумақта жұмыс істейді.
– Ат үстінде отырған полицей алыстан болып жатқанның бәрін көреді. Ол ескерту шараларын қолдана алады. Егер адамдар тобының арасында түсініксіз, күдікті нәрсе басталып жатқанын көрсе, ол бірден сол жерге қарай бет алады. Қазіргі жағдайды бағалау жүріп жатыр және тәртіп орнату шаралары қабылдануда. Егер наряд өздігінен реттей алмайтынын көрсе, онда ол көмек сұрайды. Бұл көрші атты немесе жаяу наряд қызметкерлері болуы мүмкін, – дейді Бердібек.
Атты полиция әртүрлі тәсілдермен тәртіп орната алады. Екі топтың арасында тұрып, қарама — қарсы жақтарды ажыратуға. Осылайша, жылқы бұл топты бөліп, әртүрлі бағытты көрсетеді. Басқа нарядтар келгенше агрессивті адамдар жан-жаққа тарай бастайды.
Полицияда жылқыларды қолдану құқық бұзушыларға психологиялық тұрғыдан өте тиімді. Әрбір шабандоздың өзінің кішкентай трюктері бар, ол оны сөзсіз тыңдау үшін жылқысын үйретеді. Шабандоз жылқы үстінде отырады, ал жылқы командаларды орындайды.
Әрбір қызметкер жылқыны өзі күтеді, бірақ бізде ішкі наряд деген де бар. Қызмет көрсетер алдында біз жылқыны ретке келтіреміз және қызмет көрсеткеннен кейін жарты сағат ішінде оны дайындап, орындарына апарамыз.
– Атты полиция болу үшін үлкен ниет пен еңбек керек. Біз жаңадан бастаушыларды оқытамыз. Арнайы сабақтар жылқы және ветеринарлық дайындық бойынша өткізіледі. Бұл білімнің өте үлкен спектрі. Жақсы адамдар жылқылармен жұмыс істейді. Өйткені мейірімділіксіз ат пен адам арасында түсінік болмайды, – дейді командир.
Осы жылдың басынан бастап ат полициясының қызметкерлері үш қылмысты ашты: есірткі қылмысы, суық қаруды алып қою. Жазғы коттедждерді патрульдеу кезінде қылмыс жасағаны үшін іздеуде жүрген ер адам анықталды.
Сондай-ақ белгілі бір тұрғылықты жері жоқ 17 адам және 20-ға жуық азамат мас күйінде болды. Барлық құқық бұзушылар жауапқа тартылды.
