Батыс Қазақстан облысы бойынша ҚАЖД Ғазиз Байтасовты еске алды, – деп хабарлайды Polisia.kz.
Батыс Қазақстан облысы бойынша ҚАЖ департаментінде қызметтік борышын орындау кезінде қаза тапқан Ғазиз Байтасовты еске алуға арналған салтанатты іс-шара өткізілді. Қаза тапқан батыр Ғазиз Байтасовты еске алу құрметіне РУ-170/3 мекемесінде бұрыш ашылды. Марқұмды еске алу үшін Батыс Қазақстан облысы бойынша Қылмыстық-атқару жүйесі департаментінің басшылығы, жеке құрамы мен бөлімшелері жиналды.
Жиналғандар монументке гүл шоқтарын қойып, бір минут үнсіздік жариялап, еске алды.
Сондай-ақ бөлімшелерде батырды еске алды. Іс-шараға мекеме ардагерлер кеңесінің төрағасы С.Мұханғалиев және БҚО бойынша Ауған қоғамдастығы ардагерлерінің төрағасы О.Пимонов қатысып, ІІО-да лайықты қызмет атқару үшін жеке құрамға үндеу жасады. Сондай-ақ, мекеме қызметкерлері адал қызметі үшін мақтау қағаздарымен және медальдармен марапатталды.
– Халық Қаһарманы Ғазиз Байтасовтың ерлігі біздің жадымызда мәңгі сақталады. Ол шынайы патриотизмнің жарқын үлгісі болып табылады. Өзінің өмір сүру бағасымен ол ондаған адамның өмірін сақтап қалды, – деп атап өтті Батыс Қазақстан облысы бойынша ҚАЖД бастығының міндетін атқарушы Асқар Тілегенов.
