БҚО бойынша ҚАЖД мекемелерінен босап шыққан сотталғандарды жұмыспен қамту шаралары жүргізіледі, - деп хабарлайды Polisia.kz.
БҚО бойынша ҚАЖД мекемесінде сотталғандар арасында тәрбие және әлеуметтік-психологиялық жұмыс бөлімінің ұйымдастыруымен, "Қалалық жұмыспен қамту және әлеуметтік бағдарламалар бөлімі" қызметкерінің қатысуымен "Жаза өтеу орындарынан босап шыққан жағдайда тұрмыстық және еңбекке орналастыруға көмек көрсету" тақырыбында кездесу өтті.
Кездесуге Орал қалалық мансап орталығының маманы КММ филиалының өкілі Сержан Садықов қатысты.
Кездесу барысында маман сотталғандарға жаза өтеу орындарынан босап шыққаннан кейін тұрмыстық және еңбекке орналасуға көрсетілетін көмектер туралы жан-жақты түсіндірді. Атап айтқанда, келесі мәселелер қамтылды:
- 1-6 айға арналған арнайы курстар туралы ақпарат берілді.
- 50 жастан асқан азаматтарға, зейнет жасындағы тұлғаларға және мүгедектігі бар жандарға арналған жеңілдетілген жұмыс түрлері ұсынылатыны атап көрсетілді.
- Вахталық әдіспен жұмысқа орналасу мүмкіндігі, сонымен қатар жол шығындары мен тамақпен қамтамасыз етілуі жөнінде толық мәлімет берілді.
- Жұмыссыз азаматтарға арналған арнайы біржолғы ақшалай көмек мүмкіндіктері түсіндірілді.
Бұл ақпарат сотталғандар тарапынан үлкен қызығушылық тудырып, қатысушылар өздерін толғандырған сұрақтарын қойды. Мамандар барлық сұрақтарға кәсіби әрі толық жауаптар берді.
