Жаңақала аудандық пробация қызметінің есебінде тұрған сотталғандар арасында спорттық іс-шара өтті, - деп хабарлайды Poliisa.kz.
20 наурызда Батыс Қазақстан облысы бойынша ҚАЖД Жаңақала аудандық пробация қызметінің есебінде тұрған сотталғандар арасында асық ату, қол күресі және ләңгі тебу түрлерінен спорттық іс-шара ұйымдастырылды. Аталған іс-шараны Жан-демеуші қоғамдық бірлестігі қолдап, атсалысты.
Іс-шараның басты мақсаты – Жаңақала аудандық пробация қызметінің есебінде тұрған, қоғамнан оқшаулаумен байланысты емес жазаға сотталған азаматтарды қоғамға бейімдеу және қайталап қылмыс жасаудың алдын алу болды.
Ұйымдастырылған спорттық іс-шараның қорытындысы бойынша 1, 2 және 3 орын алған қатысушылар дипломдармен және бағалы сыйлықтармен марапатталды. Сонымен қатар, орын алмаған қатысушыларға да белсенділік танытқандары үшін дипломдар мен сыйлықтар табысталды.
