Батыс Қазақстан облысы бойынша Қылмыстық-атқару жүйесі департаментіне қарасты №27 мекемесінде спорттық іс-шара өтті, – деп хабарлайды Polisia.kz.
Мекеме басшылығының қолдауымен, дене шынықтыру және кәсіби даярлық бойынша тәрбие және кадр жұмыс тобының аға инспекторы А. Өтегеннің ұйымдастыруымен мекеменің жеке құрамы арасында шағын футболдан спорттық шара өтті.
Бұл спорттық іс-шараның басты мақсаты – мекеме қызметкерлерінің ауызбіршілігін арттыру, қызметтен тыс қарым-қатынасты нығайту және салауатты өмір салтын қалыптастыру. Ойын тартысты да қызықты өтіп, қатысушыларға ерекше әсер сыйлады.
Шара барысында үш команда өзара шеберлік сынасты. Жасақ басшыларының “Қыран” командасы жүлделі бірінші орынды иеленді. Екінші орынға жедел бөлімнің “Бүркіт” командасы лайық деп танылды, ал үшінші орынды режим бөлімінің “Найза” командасы қанжығасына байлады.
Мекеме бастығының орынбасары А. Миликеевтің айтуынша, мұндай іс-шаралар қызметкерлердің ынтымақтастығын арттырып, олардың жұмыстан тыс уақытта бір-бірімен тығыз қарым-қатынас орнатуына септігін тигізеді.
