Батыс Қазақстан облысында құрылыс ұйымдарына ұрлыққа түскен қылмыстық топ ұсталды, - деп хабарлайды Polisia.kz.
Батыс Қазақстан облысының Бәйтерек ауданында полиция бөлімінің криминалдық полиция қызметкерлері Орал қаласының үш тұрғынынан тұратын қылмыстық топты қолға түсірді. Қылмыскерлер Бәйтерек ауданы мен Орал қаласы аумағында бірнеше рет ұрлық жасады деген күдікпен ұсталды. Ұрланған заттар олардың бірінің көлігінен тәркіленді.
Қылмыстық топ құрылыс ұйымдарының кеңселері мен қоймаларына заңсыз кіріп, материалдық құнды заттарды ұрлап отырған. Мысалы олар бір ЖШС контейнерінің құлпын бұзып, 600 метрден астам кабельді алып кеткен. Сонымен қатар басқа бір ұрлық кезінде дәнекерлеу аппараты, бұрғы және тағы басқа құрылыс құралдарын ұрлаған.
Ұрланған заттар күдіктілердің тұрғылықты жерінен және олардың сату орындарынан табылды. Қазіргі уақытта қылмыскерлерге қатысты бес эпизод бойынша алдын ала тергеу жүргізіліп жатыр.
Ұрлыққа қатысы бар тұлғалар уақытша ұстау изоляторына қамалды. Зардап шеккен құрылыс ұйымдарына келтірілген шығынның жалпы көлемі шамамен 4 миллион теңгені құрайды.
Полиция қызметкерлері қылмыскерлердің басқа да қылмыстарға қатыстылығын тексеріп жатыр.
