БҚО-ның Бөрлі ауданында сотталғандар арасында қол күресінен жарыс өтті, - деп хабарлайды Polisia.kz.
Бөрлі ауданында пробация қызметінің есебінде тұрған сотталған азаматтар арасында қол күресінен (армрестлинг) спорттық жарыс ұйымдастырылды.
Аталған іс-шара Бөрлі аудандық пробация қызметі мен Бөрлі аудандық жастармен жұмыс жөніндегі ресурстық орталықтың бірлесуімен өткізілді.
Жарыс барысында қатысушылар өздерінің күш-жігерін, төзімділігін және әділ спорттық бәсекеге деген ұмтылысын көрсетті. Іс-шара достық әрі қолдауға толы атмосферада өтті.
Жарыс қорытындысы бойынша жүлделі орындарға ие болған қатысушылар дипломдармен және естелік сыйлықтармен марапатталды.
Іс-шараның мақсаты - сотталған азаматтардың қоғамға бейімделуіне ықпал ету, салауатты өмір салтын насихаттау, тәртіп пен жауапкершілікті қалыптастыру, сондай-ақ қайталама құқық бұзушылықтың алдын алу.
