БҚО бойынша ҚАЖД-да мұғалімдерге кәсіби мерекесіне орай алғысын білдірді, – деп хабарлайды Polisia.kz.
Қылмыстық атқару жүйесі мекемелерінде білім беру ерекше маңызды рөл атқарады. Ол сотталғандарға тек түзелуге ғана емес, сонымен қатар босатылғаннан кейін қоғамда сәтті бейімделу үшін жаңа білім мен дағдыларды игеруге көмектеседі. Осы маңызды үдерісте қылмыстық атқару жүйесі департаментіне қарасты кешкі мектеп пен колледждің мұғалімдері баға жетпес рөл атқарады. Олар қиын жағдайларға қарамастан, күнделікті өз күш-жігері мен білімін оқушыларының болашағына жұмсайды.
Биыл қылмыстық атқару жүйесі департаменті және мекеме басшылығы кәсіби мерекеде — ұстаздар күнімен ерекше ықыласпен құттықтап, олардың ісіне адалдығы мен сотталғандарды оңалтуға қосқан үлесін атап өтті.
Басты педагогтардың бірі — Азамат Орынбасов, колледж директоры және оқытушы, 2008 жылдан бері сотталғандарды ағаш ұстасы және газоэлектрдәнекерлеуші сияқты сұранысқа ие мамандықтар бойынша оқытумен айналысады. Оның еңбегі жыл сайын 35-40 дипломды мамандарды бостандыққа шығаруға көмектеседі.
Сонымен қатар Рафаиль Насыровтың да еңбегі ерекше. Ол — кешкі мектеп директоры және физика пәнінің мұғалімі. Оның сабақтары сотталғандарға ғылым әлемін ашып, физиканы түзету мекемелерінің жағдайында да қолжетімді және қызықты етеді.
Орыс тілі мен әдебиеті пәнінің мұғалімі Сабыржан Хайырболатов сотталғандарға тек грамматиканы және әдеби дағдыларды жақсартуға ғана емес, сонымен қатар ойлау қабілетін және әдебиет арқылы өзін-өзі көрсету мүмкіндігін дамытуға көмектеседі.
Кайрбулат Дәутов 20 жылдан астам уақыттан бері түзету мекемесінде математика пәнінен сабақ береді. Оның тәжірибесі мен шеберлігі математиканы бұрын бұл пәнге мән бермегендер үшін де қолжетімді және қызықты етеді. Ол сотталғандарға логикалық ойлауды және өз күшіне деген сенімділікті дамытуға көмектеседі.
Мұғалімдер күніне орай, Қылмыстық атқару жүйесі департаменті басшылығы барлық педагогтарға еңбегі мен төзімділігі үшін алғыс білдіріп, олардың еңбегі сотталғандарды оқытумен қатар, оларды өмірдің жаңа кезеңіне дайындауда маңызды рөл атқаратынын атап өтті.
