Бұланды ауданында автобөлшектер ұрлаған ер адам қамауға алынды, – деп хабарлайды Polisia.kz.
16 қыркүйек Бұланды ауданының полиция бөліміне Макинск қаласының 72 жастағы тұрғынының 13 қыркүйекке қараған түні белгісіз тұлға оның гаражынан автобөлшектерді ұрлағаны туралы өтініші келіп түсті. Шығын сомасы 55 мың теңгені құрады.
Полиция қызметкерлері бұған дейін бірнеше рет ұрлық жасағаны үшін сотталған Макинск қаласының 27 жастағы тұрғыны зейнеткердің гаражына кіріп, ұрлық жасағанын анықтады. Ұрланған металды қаскүнем қабылдау пунктіне тапсырды.
Аталған факті бойынша ҚР ҚК-нің 188-бабы 3-бөлігі (Ұрлық) бойынша сотқа дейінгі тергеу амалдары жүргізілуде. Ер адам Бұланды аудандық полиция бөлімінің УҰИ-на қамалды. Тергеу амалдары жүргізілуде.
