Бурабай учаскелік инспекторлар қаңылтыр табақтар ұрлағандарды анықтады, – деп хабарлайды Polisia.kz.
9 қарашада кешкі сағат 18.44-те Бурабай АПБ кезекші бөліміне «Бурабай Жылу» ШЖҚ МКК директорының қатынасы келіп түсті. Ер адам белгісіз тұлғалар 6-9 қараша аралығында қала көшелерінің біріндегі жылу торабынан қаңылтыр табақтарды ұрлап әкеткенін хабарлады. Шығын сомасы 840 мың теңгені құрады.
Қылмыс полицияның қоғамдық көмекшісінің қырағылығы мен учаскелік инспекторлардың кәсіби әрекеттері нәтижесінде ашылды.
Ер адам полицейлерге жылу торабының қаңылтыр табақтарын бөліп алып жатқан қаскүнемдерге тап болғанын хабарлады. Оқиға орнына дереу келген учаскелік инспектор Спартак Сансызбаев пен Айдынбек Абдуллаев қаскүнемдерді қылмыс орнында ұстады. Щучинск қаласының 48 және 63 жастағы екі тұрғыны күдікті болып шықты. Заттай дәлелдемелер – қаңылтыр табақтар алынды.
Аталған факт сотқа дейінгі тергеудің бірыңғай тізіліміне 188-бабы (Ұрлық) бойынша енгізілді.
Тәртіп сақшылары жергілікті тұрғынға құқық қорғау органдарының жұмысына көмектескені үшін алғыс білдірді.
