1 қыркүйек Екібастұз мектептерінің жанында 100-ге жуық полиция қызметкері кезекшілік етеді, – деп хабарлайды Polisia.kz.
«Назар аударыңыз, балалар! » ЖПІШ шеңберінде полицейлер 9 қыркүйекке дейін мектеп маңында кезекшілік етеді. Полицейлер жол қозғалысы қауіпсіздігі бойынша дәрістер мен конкурстар циклын өткізуді жоспарлап отыр.
– Биыл мектептерге 21 мыңнан астам бала барады, оның ішінде 2512 бірінші сынып оқушысы. Барлық мектептер оқу жылының басталуына ресми түрде дайын. 43 мектептің дайындығын полиция қызметкерлері тексерді. Тексерушілер елеулі бұзушылықтарды тіркеген жоқ. Жаңа оқу жылы басталар алдында полицейлер кәмелетке толмағандарға алкогольдік ішімдіктерді, темекі бұйымдарын заңсыз сату бойынша рейдтік іс-шаралар өткізді, – деп атап өтті Екібастұз қаласы Полиция басқармасы бастығының бірінші орынбасары Қайыржан Шақарғалиев.
