Екібастұз полициясының ардагерлері отбасылық жанжалқойлармен кездесу ұйымдастырды, – деп хабарлайды Polisia.kz.
“Әйелдерге қатысты зорлық-зомбылықсыз 16 күн” акциясы аясында Екібастұз полиция ардагерлері отбасылық жанжалқойлармен профилактикалық жұмыс жүргізіп жатыр. 2023 жылғы 4 желтоқсанда полиция ардагерлері: Еламан Аманбаев, Александр Девятов, Бибігүл Исаева және Екібастұз қаласы ПБ әйелдерді зорлық-зомбылықтан қорғау жөніндегі аға инспекторы Бақытгүл Сейітқалиева әкімшілік қамауға алынғандарға арналған арнайы қабылдау орнында кездесу өткізді, тұрмыстық қатынастар (ҚР ӘҚБтК-нің 73-бабы 2-бөлігі) бойынша олар отбасы саласындағы құқық бұзушылықтары үшін жазасын өтеп жатыр. Ер адамдар тұрмыс саласындағы тәртіпті қайтадан бұзғаны үшін 10 тәулікке әкімшілік қамауға алынады.
Ардагерлер отбасындағы жанжалдардың салдары туралы профилактикалық әңгіме жүргізді.
Осы жылы тұрмыстық зорлық-зомбылыққа қатысты құқықтық ұстаным күшейе түсті. Атап айтқанда, 2023 жылғы 19 мамырдан бастап Қылмыстық кодекске өзгерістер заңды күшіне енді. Ең көп таралған тұрмыстық қылмыстар бойынша кінәліге материалдық немесе өзге де тәуелді адамға қатысты іс-әрекет жасау ұғымы енгізілді. Енді тұрмыс саласында денсаулыққа ауыр немесе орташа зиян келтіру 10 жылға дейін бас бостандығынан айыруға әкеп соғады. 1 шілдеден бастап әкімшілік заңнамаға түзетулер енгізілді. Отбасылық-тұрмыстық саладағы құқық бұзушылықтар бойынша қамауға алу мерзімі ұлғайтылды.
– Отбасындағы зорлық-зомбылық отбасылық жанжалдардан басталатыны белгілі. Осыған орай, қорлау, ыдыс-аяқ сындыру, басқа да отбасылық жанжал үшін, заң бойынша 5 тәулікке қамауға алу қарастырылған. Қайталанатын қылмыстар үшін – 10 тәулікке қамауға алынады. Ұрғандары үшін – 10 тәулікке, тағы бір жыл ішінде қайталанса – 20 тәулікке қамауға алынады. Денсаулыққа қасақана жеңіл зиян келтіргені үшін – 15 тәулік, тағы бір жыл ішінде қайталанса – 25 тәулік қамауға алынады, – деді Бақытгүл Сейтқалиева.
Татуласу рәсімінің де күшейтілгенін атап өтті. Енді тек бір рет татуласуға болады, тек сот арқылы ғана, бұрын ешқандай шектеулер болмаған.
– Тағы бір маңызды жаңалық – өтініш берушіден тұрмыстық құқық бұзушылықтарды тіркеудің анықтаушы сипатына көшу. Бұрын жәбірленушінің арызынсыз полицияда жанжалқойларды жауапқа тартуға негіз болған жоқ. Түзетулер тұрмыстық зорлық-зомбылық жасау фактісі бойынша әкімшілік іс жүргізуді арызсыз бастауға мүмкіндік береді, – деп толықтырды ардагерлер кеңесінің төрағасы Бибігүл Исаева.
Бұл науқан 10 желтоқсанға дейін жалғасады, бірақ бұл бағыт бойынша жұмыс күн сайын жүргізілетін болады.
