Елорда полицейлері Дүниежүзілік көшпенділер ойындарында арқан тартыстан Қазақстанды таныстырады
Елорданың полиция қызметкерлері елді халықаралық аренада таныстыруға дайындалып жатыр, – деп хабарлайды Polisia.kz.
Елорданың полиция қызметкерлері Дүниежүзілік көшпенділер ойындарында өнер көрсетуге дайындалып жатыр. Онда олар күш пен ептілікті талап ететін қазақтың дәстүрлі ойыны – арқан тартыстан Қазақстанды таныстырады.
Әйелдер құрамасы биылғы жылы құрылды және ауыр іріктеу турларынан кейін ең мықты және лайықты қатысушылар таңдалды. Команданы қызметте көшбасшылық пен адалдықты танытып жүрген полицей Айнагүл Байжігітова басқарады.
Командада барлығы 10 қатысушы бар, олардың жетеуі полиция қызметкерлері.
Жаттықтырушы Рауан Қайырбаевтың жетекшілігімен қатысушылардың әрқайсысы дене шынықтыру және психологиялық дайындыққа назар аудара отырып, күніне екі рет қарқынды жаттығулар жасайды.
Команда тек табысты өнер көрсетуге ғана емес, сонымен қатар қазақ халқының бай дәстүрлерін сақтауға және ілгерілетуге ұмтылады. Олардың мақсаты – бүкіл әлемге ұлтымыздың күш-қуатын, бірлігі мен рухын көрсету.
