Елорда полицейлері мектеп автобустарының қауіпсіздігін тексеруде, – деп хабарлайды Polisia.kz.
Жаңа оқу жылының қарсаңында әкімшілік полиция басқармасының қызметкерлері "Назар аударыңыз, балалар" жедел-профилактикалық іс-шарасы аясында мектеп автобустарының қауіпсіздігін тексерді.
80-нен астам мектеп автобусы қаралды, жүргізушілердің тіркеу құжаттары тексеріліп, оларға жол қозғалысы ережелерін қатаң сақтау, балаларды тасымалдау ерекшеліктері мен жас жолаушыларға ұқыпты қарау жөнінде профилактикалық әңгіме өткізілді. Сонымен қатар елорданың барлық білім беру мекемесіне іргелес жолдарға 150-ден астам тексеру жүргізіліп, мектептердің маңындағы жол инфрақұрылымы қаралды.
Басты мақсат – балалардың мектепке бару және қайту жолындағы қауіпсіздігін қамтамасыз ету.
Анықталған кемшіліктер бойынша жергілікті атқарушы органдарға нұсқамалар беріліп, олардың аясында 100-ден астам жол белгісі қалпына келтірілді, 2 бағдаршам орнатылды, 20-дан астам нысанда жасанды кедергілер мен жылдамдықты төмендету белгілері қойылды.
Полиция балаларды қауіпсіз тасымалдауға бақылау бүкіл оқу жылы бойы тұрақты түрде жүргізілетінін атап өтті.
