Елордада полицейлер электросамокат қауіпсіздігіне қатысты дөңгелек үстел өткізді, — деп хабарлайды Polisia.kz.
Астанада полиция мен кикшерингілік компаниялардың қатысуымен электросамокат қауіпсіздігіне қатысты, әсіресе кәмелетке толмағандарға байланысты мәселелерді талқылауға арналған дөңгелек үстел өтті.
Кездесудің негізгі тақырыбы – кәмелетке толмағандарға электросамокат беруге тыйым салу болды.
Жыл басынан бері қалада самокаттардың қатысуымен 31 жол-көлік оқиғасы тіркелген, оның 18-і жасөспірімдермен байланысты. Бұрмалаушылықтар жылдамдықты асыру, бағдаршамның қызыл түсіне өту және жолды рұқсат етілмеген жерден кесіп өту жағдайларымен байланысты болды. Соның салдарынан 2000-нан астам самокат айыптұраққа қойылып, шамамен 6000 жүргізуші жауапқа тартылды.
Полиция электросамокаттарды (әсіресе кәмелетке толмағандар үшін) пайдалану ережелеріне өзгерістер енгізу, бақылауды күшейту және халықты тәуекелдер туралы белсенді түрде хабардар ету жөнінде ұсыныстар берді.
