Елордалық азамат жасөспірімді алдап, смарт сағатын ұрлап кеткен, – деп хабарлайды Polisia.kz.
Елордалық полицейлер жасөспірімді алдаған 18 жастағы елорда тұрғынын анықтады. Сарыарқа аудандық полиция бөлімінің кезекші бөліміне елорда тұрғыны арызбен жүгінді. Ер адамның айтуы бойынша, күндізгі уақытта белгісіз адам көшеде оның кәмелетке толмаған ұлына жақындап, әңгіме өрбіткен. 14 жастағы жасөспірімнің сеніміне кіріп, күдікті одан телефонын тексеру үшін Samsung Galaxy watch 5 сағатын сұраған. Алаяқ сағатты кешке үйіне әкеліп беремін деп баланы өзіне сендіріп, одан мекен-жайын сұраған және ол жақын жерде тұратынын айтқан . Жасөспірім оның сөздеріне сеніп өзінің гаджетін берген, ал алаяқ жігіт белгісіз бағытта кетіп қалған.
Жедел-іздестіру іс-шараларын өткізу кезінде Сарыарқа ауданы ПБ қызметкерлері күдіктіні анықтады. Оның бұрын сотталғаны белгілі болды. Ол смарт сағатты ломбардқа өткізіп үлгермеген.
Аталған факті бойынша ҚР ҚК-нің 190-бабы (Алаяқтық) бойынша сотқа дейінгі тергеу амалдары жүргізіліп жатыр. Заттай дәлелдемелер тәркіленді. Оның елорда аумағында жасалған басқа да осыған ұқсас қылмыстарға қатысы бар-жоғы тексеріліп жатыр.
