Астана қаласы полиция департаменті бастығының жаңа орынбасары тағайындалды, — деп хабарлайды Polisia.kz.
Елордалық полиция бастығы Марат Төлебаев жаңадан тағайындалған орынбасарын жеке құрамға таныстырды.
Қазақстан Республикасы ішкі істер министрінің бұйрығына сәйкес Астана қаласы полиция департаменті бастығының орынбасары лауазымына полиция полковнигі Арман Жолдығұлов тағайындалды.
Арман Жолдығұлов 1997 жылдан бері ішкі істер органдарында қызмет атқарып келеді. Ол өзін кадр саясаты саласында мол тәжірибесі бар жоғары білікті маман ретінде көрсете білді. Жаңа тағайындауға дейін ол полиция департаменті тәрбие және кадр жұмысы басқармасының бастығы лауазымында қызмет атқарып, әріптестерінің кәсіби дамуына елеулі үлес қосты.
ПД бастығы Марат Төлебаев Арман Жолдығұловты жаңа лауазымға тағайындалуымен құттықтап, қызметіне табыс тіледі.
