Нұр-Сұлтан қаласының түзеу мекемесінде «Ақпараттық бюро» есірткіге қарсы акциясы өтті, – деп хабарлайды Polisia.kz.
3 қарашада ЕЦ 166/5 түзеу мекемесінде ПД Есірткі қылмысына қарсы күрес басқармасы, Қылмыстық атқару жүйесі бөлімі, Нұр-Сұлтан қаласының ПД және Психикалық денсаулық орталығы мен ҮЕҰ өкілдері бірлесіп ұйымдастырған «Ақпараттық бюро» есірткіге қарсы акциясы өтті.
Акция барысында дәрігерлер мен қоғам қайраткерлері сотталғандарды есірткінің заңсыз айналымы саласындағы заңнамаға енгізілген өзгерістер туралы, мемлекет тарапынан түрмедегілерді ізгілендіру және азайту бойынша қабылданып жатқан шаралар туралы ақпарат берді.
Сондай-ақ, сотталғандарды мекемеде де, бостандыққа шыққаннан кейін де салауатты өмір салтын ұстануға ынталандыру, оның ішінде есірткіні қолданудан бас тарту, АИТВ-инфекциясының алдын алу және пенитенциарлық жүйеде оның алдын алу, сондай-ақ салауатты өмір салтын қалыптастыру дағдыларын қалыптастыру мақсатында дәріс өткізілді.
