Солтүстік Қазақстан облысында еріктілер полицейлерге граффити бояуға және әлеуметтік желілерде көмек көрсетеді, – деп хабарлайды Polisia.kz.
Жыл басынан Солтүстік Қазақстан облысында 76 есірткі қылмысы тіркелді. Заңсыз айналымнан 4,5 килограм түрлі есірткі заты, оның ішінде бір килограмдай синтетикалық есірткі алынды. Сондай-ақ, биыл жедел уәкілдер синтетикалық препараттар сатқан екі интернет-дүкеннің жұмысын тоқтатты. Қазіргі уақытта аталған фактілер бойынша сотқа дейінгі тергеу жүргізіліп жатыр.
СҚО Полиция департаменті Есірткі қылмысына қарсы іс-қимыл басқармасының басшысы Жандос Басыбаевтың айтуынша, жедел уәкілдер есірткімен байланысты қылмыстарды анықтау және жолын кесу жұмысынан бөлек, барлық қол жетімді арналар бойынша алдын алу жұмысын да жүргізеді. Атап айтқанда, алдын алу жұмысы белгілі әлеуметтік желілерде жүргізіледі.
– Жыл басынан мектеп оқушыларымен және жастармен есірткіге қарсы күрес бағытында дәріс, кездесу мен әңгіме түрінде 130-дан астам іс-шара өткізілді. Карантиндік шаралар күнделікті жұмыс режимін өзгертті, алайда, «Қамқор» еріктілер клубы көмек көрсетуден қол үзген жоқ. Нашақорлық тақырыбына арналған бейне роликтер әлеуметтік желі үшін мемлекеттік және орыс тілдерінде арнайы дайындалып жасалды. Видео СҚО Полиция департаменті ресми аккаунтарының парақшаларында жарияланып, желі қолданушыларының оң пікіріне ие болды. Әлеуметтік желідегі жұмыстан бөлек, еріктілер есірткі саудалайтын интернет-ресурстардың мекенжайы салынған есірткі граффитиін бояуға көмектесіп тұрады»,- деді Жандос Басыбаев.
Есірткі қылмысына қарсы іс-қимыл бөлінісінде WhatsApp телефон нөмірі жұмыс істейді, оған облыс немесе қаланың кез-келген тұрғыны нақты мекенжайды көрсете отыра, есірткі граффитиінің фотосын жібере алады. Сондай-ақ, мессенджерде полиция бастамасымен құрылған чат жұмыс істейді, онда пәтер иелері кооперативтерінің төрағаларымен жұмыс жүргізіледі.
Жыл басынан СҚО Полиция департаменті Есірткі қылмысына қарсы іс-қимыл басқармасының 8-707-500-96-65 нөміріне есірткі граффитиі туралы 50-ден астам хабарлама келіп түсті. Олардың басым бөлігі ПИК көмегімен боялды.
