Ертіс өңірінің полицейлері жыл басынан бері хабар-ошарсыз кеткен 25 адамды іздеп тапты, – деп хабарлайды Polisia.kz.
Полицияға әлеуметтік желілерде адам жоғалғаны туралы алаңдатарлық хабарламалар күн сайын түседі. Хабарламаларда әр түрлі жастағы адамдардың, яғни ересектер мен балалардың ізделіп жатқаны туралы айтылады. Полиция қызметкерлеріне түсетін мұндай жүгіну – адамның апатқа ұшырап, қылмыстың немесе апаттың құрбаны болу мүмкіндігінің белгісі.
Адамдардың белгісіз жоғалып кету фактілері көпшіліктің наразылығын тудырады, құқық қорғау органдары жоғалған адамдарды іздеу және табу үшін үлкен және ауыр жұмыс жүргізуде. Көп адам мен техникалық ресурстар жұмсалады.
– Биыл Полиция департаментіне хабар-ошарсыз кеткен адамдарды табуға көмек сұраған мазмұндағы 36 өтініш келіп түсті, олардың 25-і табылып, туыстарымен қайта қауышты. Қазіргі уақытта тоғыз адамды табу үшін іздеу шаралары жүргізілуде. Айта кету керек, полиция қызметкерлері үшін жоғалған адамдарды іздеуде еріктілердің көмегі зор. Әлеуметтік желілер мен интернет ресурстардың мүмкіндіктерін бүгінде облыс еріктілері белсенді қолданады, бұл халық арасына жоғалған адам туралы ақпаратты бірнеше минут ішінде таратуға, содан кейін полицияға оның ықтимал орналасқан жері туралы жедел хабарлауға мүмкіндік береді. Іздеу шараларын бірлесіп жүргізудің бұл тәжірибесі оң нәтиже беруде, – деп хабарлады Павлодар облысы ПД баспасөз қызметі.
Мысалы, осы жылдың мамыр айының басында ересек ұлының жоғалғанын айтқан ата-анасы полициядан көмек сұрады. Отыз жастан асқан ер адам үйден кетіп, қайтып оралмаған. Оны тәртіп сақшылары еріктілермен бірге іздестірді. Анықталғандай, ұлы ата-анасының үйінен кетіп, пәтер жалдап, өз бетінше өмір сүруге шешім қабылдаған. Алайда өз шешімі туралы ата-анасын хабардар етпеген.
