Шығыс Қазақстан полицейлері балалар мен жасөспірімдер арасында “Есірткіге жол жоқ деп айт” тақырыбында акция өткізді, – деп хабарлайды Polisia.kz.
Нашақорлықтың алдын алу және жастар арасында есірткіге қарсы иммунитетті тәрбиелеу, салауатты өмір салтын насихаттау және темекі, алкоголь және психоактивті заттарды қабылдамау – өткізілген іс-шараның тақырыбына айналды.
Халықаралық нашақорлыққа қарсы күрес күні қарсаңында ШҚО ПД ЕҚҚІҚБ қызметкерлері балалар-жасөспірімдер лагерінде балалар мен жасөспірімдер арасында ” Есірткіге жоқ деп айт!” тақырыбында акция өткізді.
– Бүгінгі таңда есірткі қылмысы жасөспірімдер мен жастар арасында өте өзекті тақырып. Мұндай оқиғалардың барлығы дерлік қайғылы аяқталып жатады, бірақ біз әлі білмейтініміз қаншама, тіпті елестете алмаймыз. Көптеген жасөспірімдер жұмыс іздеуде әртүрлі жарнамаларға алданып қалады, нәтижесінде бұл есірткі таратушының жұмысы болып шығады. Осылайша еркіндіктің құны 500-1000 теңгеге айналады. Біз сізді зейінді болуға, белсенді салауатты өмір салтын ұстануға шақырамыз. Біз өмірді таңдауға шақырамыз”, – деп атап өтті ШҚО ПД ЕҚҚІҚБ бастығының орынбасары Ринат Икласов.
Іс-шара концерттік бағдарламамен жалғасты. Онда Шығыс Қазақстан облысы филармониясының әртістері өздерінің шығармашылық нөмірлерімен өнер көрсетті, бұл балалардың көңіл-күйін көтеріп, тіпті кейбіреулері бірге билеп, ән айтты.
Концерттен кейін балаларды полицияның кинологиялық қызметінің көмекшісі – қызметтік иттің қойылымы күтіп тұрды. Өз мүмкіндіктерін көрсете отырып, қызметтік ит көрермендердің зор таңданысын тудырды. Түрлі конкурстармен “Көңілді старт” спорттық ойындары, сондай-ақ арқан тарту, жүгіру эстафетасы іс-шараның көркін қыздырды. Оның қорытындысы бойынша жеңімпаздар грамоталармен және сыйлықтармен марапатталды, ал барлық қатысушыларға “Есірткіге жоқ деп айт!» логотипімен футболкалар мен кепкалар, парақшалар табысталды.
