Халықаралық іздестіруде жүрген шетелдік азамат ШҚО-да ұсталды, – деп хабарлайды Polisia.kz.
Құқық қорғау органдары Өскемендегі жалдамалы пәтерлердің бірінде жедел-іздестіру іс-шараларын жүргізу барысында шетелдік қылмыскерді ұстады.
39 жастағы өзбекстандық бір жылдан астам уақыт бойы ауыр қылмыс жасағаны үшін, атап айтқанда ірі көлемде мүлік ұрлағаны үшін халықаралық іздестіруде болған.
– Қазіргі уақытта ұсталған адам уақытша ұстау изоляторына қамалды. Өзбекстан Республикасындағы әріптестерімізге қылмыскердің орналасқан жері туралы хабарлама жіберілді, – деді ШҚО ПД бастығы Ерлан Омарбеков.
Айта кетейік, жыл басынан бері ШҚО полиция департаментінің қызметкерлері іздестіруде жүрген 80-нен астам қылмыскерді ұстаған
