Хромтауда полицейлер бірнеше велосипедті аулалардан ұрлап кеткен велосипед ұрысын ұстады, – деп хабарлайды Polisia.kz.
Велосипед қазіргі уақытта қолды болатын мүліктің бірі болып отыр. Ұрлық қожайындарының ұқыпсыздығы мен немқұрайлығынан болып жатады.
Мысалы, 10 қыркүйекте Хромтау қаласының тұрғыны ұсталды, ол үйлердің кіреберістерінде қараусыз қалған бірнеше велосипедті ұрлаған. Іздестіру шараларын жүргізу барысында 27 жастағы күдікті анықталды.
Қазіргі уақытта тергеу шаралары жүргізілуде және оның басқа ұрлықтарға қатысы бар-жоғы тексерілуде. Көбінесе велосипед иелері көлік құралының қауіпсіздігі туралы алаңдамайды. Оларды көшеде және үйдің кіреберісінде қараусыз қалдырады. Тұрғындардың бейқамдығы тек велосипед ұрыларына мүмкіндік береді.
Жыл басынан бері Ақтөбе облысында велосипед ұрлаудың 151 фактісі тіркелді, оның 60%-дан астамы ашылды.
Велосипед ұрлығының алдын алу мақсатында полиция қызметкерлері «Велосипед» деректер базасын құрды, онда ерекше белгілері, маркасы, түрі, түсі, шығарылған жылы, жақтаудың түрі, иесі туралы мәліметтер, өндіруші ел және т.б. қосымша ақпарат енгізіледі.
Бұл базаның көмегі велосипед ұрлығын ашуда баға жетпес.
Осыған байланысты, Ақтөбе облысы ПД азаматтарды қырағы болуға және қарапайым қауіпсіздік ережелерін сақтауға, өз мүлкін сақтау үшін барлық қажетті шараларды қабылдауға шақырады.
