ІІМ басшысы БҰҰ-ның Орталық Азиядағы Есірткі және қылмыс жөніндегі басқармасының өңірлік өкілімен кездесті

Ішкі істер министрі Марат Ахметжанов БҰҰ-ның Орталық Азиядағы Есірткі және қылмыс жөніндегі басқармасының өңірлік өкілі Ашита Митталмен кездесті, – деп хабарлайды Polisia.kz.

Кездесуге қатысушылар Қазақстан полициясын реформалау саласындағы ынтымақтастықтың басым мәселелерін және бірлескен жобалар шеңберінде оларды одан әрі дамыту перспективаларын қарастырды.

Кездесу барысында қазақстандық тарап ішкі істер органдарын жаңғырту бойынша жүргізіліп жатқан жұмыстар туралы да хабардар етті.

Кездесу өзара түсіністік және конструктивтік диалог жағдайында өтті.