Егемендігіміздің нышаны, тәуелсіздігіміздің тірегі - Ата Заңымызға 30 жыл. Мерейлі мереке Ішкі істер министрлігінде айрықша салтанатпен атап өтілді, - деп хабарлайды Polisia.kz.
- Құрметті әріптестер! Конституцияның 30 жылдығы - өткенге тағзым, бүгінгі жетістіктерге мақтаныш және болашаққа сенім. Баршаңызға мықты денсаулық, отбасыларыңызға амандық, қызметтеріңізге толағай табыс тілеймін. Мереке құтты болсын! - деді Ішкі істер министрі Ержан Саденов.
Ел іргесінің берік болуы мен азаматтардың қауіпсіздігі үшін тер төгіп жүрген тәртіп сақшыларының еңбегі еленіп, қызметі көтермеленді. Конституция күніне орай Президент Жарлығымен, министрдің бұйрығымен антына адал полицейлер, Ұлттық ұланның әскери қызметшілері, ғұмырын Отанға қызмет етуге арнаған ардагерлер марапатталды.
Іс-шара концерттік бағдарламаға ұласты. Патриоттық әндер шырқалып, мемлекеттік рәміздер мен құндылықтар ұлықталды.
