Республика бойынша «Құқықтық тәртіп» жедел-профилактикалық іс-шарасы өтті, – деп хабарлайды Polisia.kz.
Іс-шара барысында 3800-ден астам қылмыс тіркелді, оның 2500-ден астамы кезекші тәулікте ашылды. Іздеуде жүрген 158 қылмыскер ұсталды. 133 мыңнан астам әкімшілік құқық бұзушылық анықталды.
Астана қаласы бойынша акцияға ІІО-ның 1600 қызметкері жұмылдырылды.
Елордалық тәртіп сақшылары жедел басқару орталығының бейнебақылау камераларының көмегімен 116 қылмысты, сондай-ақ бұрын жасалған 153 қылмысты ашты.
