2024 жылдың жазынан бастап Қазақстанда түрмелерде, тергеу изоляторларында және уақытша ұстау изоляторларында бейнебақылау камераларын қасақана бүлдіргені немесе жойғаны үшін қылмыстық жауапкершілік көзделген заң енгізілді, – деп хабарлайды Polisia.kz.
Егер сотталған адам камераларды бүлдірсе, ол 1 жылдан 7 жылға дейін бас бостандығынан айырылуы мүмкін. Жаза сотталушының жалғыз немесе топта әрекет еткеніне байланысты.
Заң қабылданған сәттен бастап сотқа осындай 49 қылмыстық іс жіберілді. Барлық кінәлілер қылмыстық жауапкершілікке тартылды.
Мысалы, өткен жылдың тамыз айында Қостанайда сот №76 колониядағы бейнебақылау камерасын қасақана бұзған сотталушының мерзіміне тағы бір жыл қосты.
Сол сияқты Солтүстік Қазақстан облысының колонияларының бірінде сотталған адам бірнеше камераны бүлдіргені үшін қосымша 1,5 жыл арқалады.
Камералардың қызметкерлер мен сотталғандардың қауіпсіздігі үшін орнатылғанын атап өткен жөн. Оларды бүлдіру – ауыр зардаптарға әкелетін қылмыстық құқық бұзушылық.
