Алматы облысында ІІО ардагерлері медальдармен марапатталды, – деп хабарлайды Polisia.kz.
Талдықорған қаласы ІІБ ардагерлер кеңесінің ұсынысы бойынша Полиция департаментінің аумағында орналасқан Алматы облысы Полиция департаменті және Ұлттық ұлан ардагерлер кеңесінде медальдарды тапсырумен зейнеткерлерді марапаттау рәсімі өтті.
Ардагерлер кеңесіндегі белсенді қызметі және полицияның жас қызметкерлерімен тәрбие жұмысын жүргізуде көрсеткен көмегі үшін 70 жылдық мерейтойларына орай «Асыл Ардагер» медалімен: 30-дан астам резонанстық қылмысты ашуға қатысқан қылмыстық іздестіру ардагері – Оганесян Геворг Енокович және барлық қоғамдық іс – шараларға белсене қатысқан тексеру комиссиясының мүшесі, белсенді зейнеткер-Легай Нелли Алексеевна марапатталды.
«Жеңістің 75 жылдығы» медалімен, сондай-ақ өзінің 70 жылдығына орай Ұлы Отан соғысының ардагерінің ұлы, ҚР ІІМ ардагері Валерий Семенович Когутенко марапатталды, ол қатардағы және басшы құрамның түрлі лауазымдарында 30 жылдан астам қызмет еткен. Әкесі Когутенко Семен Лукьянович даңқты жауынгерлік жолдан өткен. Ол Ұлы Отан соғысы орденінің кавалері, Кенигсбергті, Будапештті басып алғаны және Жапонияны жеңгені үшін, сонымен қатар бейбіт өмірдегі көп жылғы еңбегі үшін еңбек ардагері медаліне ие болған.
Марапаттарды Алматы облысы Полиция департаменті және Ұлттық ұлан ардагерлер кеңесінің төрағасы Болат Ғұсманұлы Қожақов табыс етті, ол мерейтой иелеріне мықты денсаулық, көтеріңкі көңіл-күй және бақыт тіледі.
Алматы облысы ПД баспасөз қызметі
