Денсаулық сақтау органдарымен бірлесіп карантиндік іс-шараларды қамтамасыз ету бойынша жұмыстар жалғасып жатыр, – деп хабарлайды Polisia.kz.
Елді мекендерде 220 карантиндік объектілер күзетіледі.
Ауру жұқтырған орындарды оқшаулау бойынша арнайы іс-шаралар жүргізіліп келеді.104 объекті қоршалды – бұл үйлер, кіреберістер, жатақханалар, жеке тұрғын үйлер.
Ауру күдігі бар азаматтар іздестіріліп, медициналық мекемелерге жеткізіліп жатыр. Денсаулық сақтау органдарының сұраулары бойынша 5068 адам табылды.
Заң бұзушыларға қатаң шаралар қабылданады. Карантиндік аймақтардың шекарасын кесіп өтуге әрекет жасағаны үшін 457 құқық бұзушы жауапкершілікке тартылды.
Төтенше жағдай режимін сақтамаудың 4 мыңға жуық фактісі анықталды. Жалған ақпарат таратудың 79 фактісі анықталды.
