Өтпелі кезең ҚР тұрғындарына төтенше жағдай кезінде мерзімі өтіп кеткен жеке басын куәландыратын құжаттарын әкімшілік жауапкершіліксіз ауыстыруға мүмкіндік береді, – деп хабарлайды Polisia.kz.
– 2020 жылғы 12 мамырдан бастап Алматы облысының Халыққа қызмет көрсету орталықтарының барлығы таңертеңгі 08.00-ден 20.00-ге дейін түскі үзіліссіз жұмыс жасауда. Қызмет көрсету орталықтарындағы халықтың көп жиналуының алдын алу, сондай-ақ тұрғындарды қабылдауды ұйымдастыру мақсатында үш мобильді ХҚКО мен төрт мобильді топ құрылды. Олар ауылды елдімекендерге барып, мемлекеттік қызмет көрсетеді, – деді Алматы облысы ПД Көші-қон қызметі басқармасының басшысы Елмұрат Нұрсеитов.
12-14 мамыр аралығында Алматы облысы көші-қон қызметінің тәртіп сақшылары 4500 астам электронды өтініш қабылдап, 130 қағаз нысан рәсімделген.
Сонымен қатар, полицейлер қазіргі уақытта облыстағы барлық ХҚКО жағдай тұрақты және үнемі бақыланатынын атап өтті.
