Ақмола облысында полиция қызметкерлері телефон ұрлығын ашты, - деп хабарлайды Polisia.kz.
Оқиға Көкшетау қаласындағы №12 маршруттық автобустарда болған. Аталған қоғамдық көлікте Красный Яр ауылының кәмелетке толмаған тұрғынынан құны 162 мың теңге тұратын Redmi Note 11 Pro телефоны ұрланған.
Жәбірленушінің анасының өтініші бойынша сотқа дейінгі тергеу басталды. Қылмыстық полиция бөлімінің қызметкерлері жедел іздестіру шараларын жүргізіп, күдіктінің болжамды деректері мен жеке басын анықтады.
Осы дерек бойынша сотқа дейінгі тергеу амалдары жүргізілуде.
Қоғамдық көліктерде ұрлықтың алдын алу үшін құнды заттарды өзіңізге жақын ұстаңыз – сөмке мен қалтаңыз жабық болсын, гаджеттер мен ақшаны ашық көрсетпеңіз және айналаңыздағы адамдарға мұқият болыңыз. Егер күдікті мінез-құлық байқасаңыз, жүргізушіге дереу хабарласыңыз.
