Көкшетау қаласында полиция қызметкерлері ПД жанындағы есірткі құқық бұзушылықтарының алдын алу жөніндегі кеңес мүшелерімен, "Жастар рухы" жастар қанатының еріктілерімен, жоғары техникалық колледж белсенділерімен және бұрын сотталған еріктімен бірлесіп "Біз салауатты өмір салтын таңдаймыз" тақырыбында есірткіге қарсы ауқымды акциясын өткізді, – деп хабарлайды Polisia.kz.
Іс-шараның басты мақсаты – жастарға есірткі, психотроптық және күшті әсер ететін заттармен кез келген заңсыз әрекеттері үшін жауапкершілік туралы еске салу, есірткіге тұрақты теріс көзқарас қалыптастыру және студенттерді олардың таралуына қарсы іс-қимылда белсенді азаматтық ұстанымға тарту, сондай-ақ есірткі құралдарының жарнамасы бар заңсыз жазуларды анықтау және жою.
Акция басталар алдында жоғары техникалық колледждің шеру алаңында колледж белсенділері ұйымдастырған флешмоб өтті, кейін қатысушылардың жалпы жиыны өтті. Іс-шараға 120-дан астам ерікті қатысты. Полиция өкілдері мен кеңес мүшелері егжей-тегжейлі нұсқама өткізді, жадынамалар, тыйым салынған жазуларды бояуға арналған бояулар және нашақорлық пен интернет-алаяқтықтың алдын алу бойынша ақпараттық буклеттер таратылды.
Еріктілер топтарға бөлініп, олардың әрқайсысына учаскелік инспекторлар мен жедел қызмет қызметкерлері тағайындалды. Акциямен облыс орталығының үш шағын ауданы – Бурабай, Юбилейный және Бейбітшілік қамтылды.
Қатысушылардың бір бөлігі көппәтерлі үйлерді аралап шықты, екіншісі полиция автобусымен шалғай учаскелерге жеткізілді. Одан әрі полиция жетекшілік ететін топтар белгіленген аумақтың көшелері мен аулаларын жүйелі түрде зерттеді.
Заңсыз граффити жиі жазылатын қараусыз қалған ғимараттар мен іргелес инфрақұрылымға ерекше назар аударылды. Тұрғындармен профилактикалық әңгімелер жүргізіліп, еріктілер ақпараттық материалдарды таратты. Нәтижесінде заңсыз мазмұны бар жазу анықталып, боялды. Акцияға Макс есімді қызметтік-іздестіру иті де жұмылдырылды.
Өткізілген іс-шара есірткі жарнамасына қарсы іс-қимыл жасау және мемлекеттік органдардың, қоғамдық бірлестіктер мен жастардың өзара іс-қимылын нығайтуда маңызды қадам болды. Акция халықтың құқықтық мәдениетін арттыруға ықпал етті және қоғамның есірткі қаупіне қарсы күресте бірігуге дайын екенін айқын көрсетті.
