Қызылордада төтенше жағдай кезінде 100 автөкөлік иесі және көшеде бетпердесіз жүрген 25 азамат жауапқа тартылды,- деп хабарлайды Polisia.kz.
Облыс тұрғындары арасында қауіпсіздік шараларын күшейту мақсатында сәуірдің 12-не қараған түні сағат 00:00-ден бастап тұрғындар мен көлік қозғалысына қатаң шектеулер қойылды.
Облыс тұрғындары қаулыда көрсетілген талаптарды орындамай 100 автокөлік иесі көліктердің қозғалысына тыйым салынсада көшеде жүргендері анықталып, автокөліктер айыппұл алаңына қойылды. (Қызылорда-61,Арал-1,Қазалы-12,Қармақшы-5,Жалағаш-2,Шиелі-3, Жаңақорған -1, Байқоныр Өкілдігі-5).
Сонымен қатар карантин кезінде көшеде бетбердесіз 25 адам жүрген. (Қызылорда-12,Арал-1,Қазалы-6, Шиелі-6).
Ал, 1 азамат үй карантин режімін бұзып, көшеге шыққан (Байқоңыр Өкілдігі-1).
Жоғарыда көрсетілген құқық бұзушылықтар бойынша ҚР ӘҚБтК-нің 476-бабымен (төтенше жағдай режимін бұзу) әкімшілік хаттамалар толтырылып, тиісті шара қолдану үшін жинақталған құжаттар сотқа жолданды.
Полиция қызметкерлерімен облыс бойынша 421 құқық бұзушылық анықталып, сот шешімімен 99 кафе иелерімен жеке үй тұрғындары 5 және 7 тәулікке дейін әкімшілік қамаққа алынса, 77-не 10 АЕК (10.04.2020ж бастап 1 АЕК 2778 көбеюіне байланысты) 27780 теңге мөлшерінде айыппұл салынды, 1-не ескерту берілді.
Осы ретте, төтенше жағдай кезіндегі талаптардың күшейуіне байланысты полиция қызметкерлерінің іс-әрекеттеріне түсіністікпен қарап, төтенше жағдай кезінде азаматтардың қауіпсіздігі мен тәртібін қамтамасыз етуге байланысты қажетті шектеулерге назар аударуды сұраймыз.
