Маңғыстау облысы полициясының автопаркі жаңартылды, — деп хабарлайды Polisia.kz.
Маңғыстаулық полицейлер жаңа қызметтік автокөліктер алды
Облыс әкімінің қолдауымен Маңғыстау облысы полициясының автопаркі 12 жаңа қызметтік автокөлікпен толықтырылды. Көліктердің басым бөлігі өңіріміздің шалғай ауылдарында қоғамдық тәртіп пен азаматтардың қауіпсіздігін қамтамасыз ететін учаскелік полиция инспекторларына табысталды.
Атап айтсақ, Шопан ата, Сенек, Құрық, Ұштаған, Сай-Өтес, Қызан, Ақшымырау, Қызылөзен, Таушық және Ақшұқыр.
Бұдан бөлек, жол талғамайтын көліктердің бірі табиғатты қорғау полициясына берілді. Сондай-ақ полиция департаментінің бастығы Сағындық Аяғанов қызметтік қажеттіліктер үшін пайдаланылатын үш ПАЗ автобусының кілтін табыс етті.
Жаңа көліктер қазіргі заманғы стандарттарға сай келеді, байланыс, бейне құрылғылармен және басқа да қажетті құрал-жабдықтармен қамтамасыз етілген. Бұл тәртіп сақшыларының жедел әрекет етуі мен жұмысының сапасын арттырады.
Автопаркті жаңарту — облыстың, әсіресе шалғай ауылдардың қауіпсіздігін нығайту жолындағы маңызды қадамдардың бірі.
