Маңғыстау облысында ҚР Конституциясының 30 жылдығына арналған салтанатты жиын өтті, - деп хабарлайды Polisia.kz.
Маңғыстау облысы бойынша Қылмыстық-атқару жүйесі департаментінде Қазақстан Республикасы Конституциясының 30 жылдығына арналған салтанатты шара ұйымдастырылды. Мерекелік жиын мемлекеттік Туды салтанатты алып кіру және Әнұранды орындаумен ашылды.
Департамент бастығының міндетін атқарушы Есболат Ағлепесұлы жеке құрамды мерейлі мерекемен құттықтап, Ата Заңның тәуелсіз Қазақстанның қалыптасуындағы тарихи рөліне тоқталды. Ол қылмыстық-атқару жүйесі қызметкерлерінің заңдылық пен тәртіпті қамтамасыз етудегі еңбегін ерекше атап өтті.
Іс-шара барысында қызметкерлердің, ардагерлер мен спортшылардың еңбегі лайықты бағаланып, түрлі марапаттар табысталды. Атап айтқанда, Қазақстан Республикасы Ішкі істер министрлігінің "ҚАЖ жүйесін дамытуға қосқан үлесі үшін" медалі әділет майоры Гүлжан Исмаиловаға табысталды. ҚР ІІМ Грамотасымен әділет аға сержанты Нұрдаулет Әбдіманапұлы марапатталса, ардагерлер Теймур Гашимов пен Серікбек Мұхаметкалиевке қоғамға сіңірген еңбегі үшін медаль тапсырылды. Сонымен қатар Ақтау қаласы әкімінің Алғыс хатымен әділет подполковнигі Хадиша Нуретова, әділет аға лейтенанттары Нұрғали Омаров пен Бағдат Келес марапатталды. Департаменттің қоғамдық жұмыстарына белсене қатысқаны үшін ардагерлер Ақмарал Жуманова, Меруерт Найзабекова, Ұлман Айтжанова және Тыныштық Жаңғылбаев Алғыс хатқа ие болды.
Сондай-ақ департаменттің бұйрығымен бірқатар қызметкерлер марапатталды. Олардың қатарында әділет капитаны Тоқжан Жиембаева, әділет сержанты Айбек Асқар, әділет кіші сержанттары Нұралы Қалпақбаев, Тілекқабыл Боранбаев, Асқарбек Ордашбаев пен Меңдіқали Қыдырбай бар. Күштік құрылымдар арасындағы чемпионаттарда жүлделі орындарға ие болған спортшылар да назардан тыс қалмады. Олардың ішінде әділет майоры Берік Абдикаримов, әділет капитаны Нұрдаулет Ахмет, әділет лейтенанты Арман Арыстан, әділет аға сержанты Нұрдаулет Әбдіманапұлы, сондай-ақ әділет кіші сержанттары Нұрберген Исанбаев, Асхат Динасилов, Бағжан Мұсабеков, Айтжан Абдрахманов, әділет қатардағы Шалқар Емдібай, әділет старшинасы Бақдәулет Орынбаев және әділет аға сержанты Тимур Кенжеғалиев бар.
Мерекелік жиын барысында қызметкерлердің қатысуымен Қазақстан тарихына арналған театрландырылған қойылым ұсынылып, соңында Мұрат Өскінбаев атындағы облыстық филармония әртістерінің концерті қойылды.
