Маңғыстауда қауіпсіздігі барынша төмен мекемесінде абаттандыру жұмыстары ұйымдастырылды, – деп хабарлайды Polisia.kz.
Маңғыстау облысы бойынша Қылмыстық-атқару жүйесі департаментінің ГМ-172/8 қауіпсіздігі барынша төмен мекемесінде абаттандыру жұмыстары ұйымдастырылды.
Бұл шараға жаңадан айдауылмен келген сотталғандар тартылды. Олар мекеменің аумағын қоқыстан тазалап, белсене қатысты.
Мекеме басшысы Д.Әбдірахманның айтуынша, мекеме аумағының тазалығын сақтау – оның жұмыс істеуінің міндетті шарты.
Айта кету керек, түзеу мекемелері қызметкерлерінің сотталғандармен өзара қарым-қатынасы сотталғандарды түзеу және қайта тәрбиелеу мақсаттарымен айқындалады және заңдылықты қатаң сақтауға негізделеді.
